Namahayag si Atty. Nazir Inawat, national president sa Alliance of Advocates of Federalism in the Philippines Incorporated, nga tinguha sa ilang grupo, inubanan sa One Mindanao, ang makapahimo og lig-on ug tin-aw nga representasyon sa Mindanao sa politika ug paggobyerno. Matod pa ni Inawat, sulod sa daghang katuigan, permi na lang iliwit ang Mindanao sa mga desisyon sa gobyerno ug sa pagbahinbahin sa pondo, diin gamay ra gyud ang mahatag nga bahin sa rehiyon. Tungod niini, giila nila ang panginahanglan nga mapalig-on ang tingog sa Mindanao aron patas nga mapaminaw sa nasyonal nga pamahalaan.Sa laing bahin, gidayeg usab ni Inawat ang mga opisyales sa gobyerno nga naggikan sa Mindanao, nga matod pa niya nakahatag og dungog sa rehiyon pinaagi sa ilang maayong performance ug serbisyo sa tibuok nasud. (James Oliver)
