CAGAYAN DE ORO CITY – Mibilib si Atty. Proculo Sarmen, regional vice president sa Northern Mindanao’s Associated Labor Union Trade Union Congress of the Philippines (ALU-TUCP) sa legasiya ug idealismo nga gipaambit ni kanhi senate president Nene Pimentel alang sa katawhan sa Pilipinas.
Gidumdum ni Atty. Sarmen ang mga panahon nga nagsilbi sab siya nga presidente sa bando PDP ug nahimo niyang suod nga higala si Pimentel.
Iyang naila ang namatay nga pulitiko labing isog nga proponent sa social justice, ug federalism.
Nagsubo si Sarmen sa pagdawat sa balita nga mipanaw na sa laing kalibutan ang iyang higala ug kauban sa partido.
