CAGAYAN DE ORO CITY – Gihagit sa grupong ALU-TUCP Northern Mindanao ang Regional Trapartite Wages and Productivity Board o RTWPB 10 nga dili tan-ugan apan ilugwa na ang aprobadong usbaw sa suhulan alang sa mga mamumu-o dinhi sa rehiyon.
Kini nunot sa pagkatibawas na pinal nga deliberasyon ang ilang gipangayo nga balor 413 pesos nga wage increase ning tuiga.
Gibutyag ni ALU-TUCP Northern Mindanao regional operations officer Nicanor Borja nga kanunay’ng ulahi ang rehiyon pagpalugwa sa aprobadong usbaw sa suhulan itandi sa ubang lugar sa nasud.
Wala mulaum si Borja nga mahatag sa wage board ang 413 pesos nga usbaw apan posibleng dili kini molayo sa 30 hangtod 50 pesos sama sa gipatuman sa NCR,Western Visayas,Caraga ug Bicol regions.
