CAGAYAN DE ORO CITY – Pinangita pa gihapon sa PNP ang suspek sa mga kaso sa pagpamusil diha sa Brgy Bugo ning syudad.
Kini human mipanaw na sa laing kalibutan ang biktima nga si Richard Hebron,31 anyos,minyo nga nagpuyo sa Lower Zone 5,Bantiles,Brgy Bugo ning syudad.
Gibutyag ni Staff Sgt Richard Alcover,imbestigador sa Puerto Police Station nga maoy gipangita pa nila ang suspek nga si Albert Aguilar alyas Buaya kinsa mibati’g selos ayha gipusil si Hebron mismo sa pinuy-anan niini.
Nakaangkon sa igo sa dughan ug isig-ka kilid sa lawas gamit ang kalibre 45 rason nga wala makaantos ug nabugtuan sa kinabuhi.
Si alyas Buaya ang nalambigit usab sa pasangil nga nagpahuyot sa ilegal nga droga diha sa Brgy Puerto ning syudad.
