CAGAYAN DE ORO CITY – Nangunay pagkaso’g murder sa piskalya ang pamilya sa anak-lalaki nga ngilngig gipatay sa ama-ama niini sulod sa kusina sa tag-iya sa Steve Alacart diha sa JR Borja Extension,Brgy Camaman-an ning syudad.
Kini human mikuha’g kaugalingong abogado ang pamilya sa biktima nga si Stevan Carson aron kasuhan ang step father nga si Niceforo Bunac nga pulos nagpuyo sa lugar.
Gibutyag ni Cogon Police Station commander Capt Ernesto Sanchez nga sila miduso sa kasong homicide batok suspek apan mihangyo ang pamilyang Carson nga sila na ang mangunay pag-asikaso sa hitabo.
Gitigbas sa suspek ang li-og a biktima gamit ang dako nga kutsilyo nga panggutad sa karne hinundan nga dead on arrival na kining naabot sa ospital ning syudad.
