Nagpadayag og kabalaka si Wilson Amad, usa ka catechist, kabahin sa pamulong ni Senior Associate Justice Marvic M.V.F. Leonen nga nag-ingon nga ang marital infidelity dili usa ka porma sa violence ni usa ka krimen.Sumala ni Amad, bisan pa man sa iyang dakong respeto ug taas nga panglantaw kang Justice Leonen, dili siya uyon sa mga punto niini kabahin sa maong isyu. Para kaniya, dako og epekto ang marital infidelity dili lamang sa sulod sa pamilya kondili lakip usab sa mas halapad nga katilingban. Naghinaot si Amad nga magpabiling giila ang marital infidelity isip usa ka klase sa krimen sa nasud aron dili kini mahimong impluwensiya sa ubang mga magtiayon nga mohimo og imoral nga buhat. Matod pa niya, ang maong buhat usa ka paglapas sa balaang sakramento sa kaminyoon ug sa moral nga pundasyon sa pamilya. (JAMES OLIVER)
