CAGAYAN DE ORO CITY – Patay ang amahan human giunay pagtigbas sa iyang anak sa Brgy Kimaya Villanueva Misamis Oriental.
Giila ang biktima nga si Meliton Aquiman,63-anyos ug molopyo sa maong dapit.
Gibutyag ni Police Corporal Glen Poras sa Villanueva Police Station nga nagngitngit ang panan-aw sa suspetsado dihang gipasakitan sa biktima ang iyahang inahan ug mga igsoon busa miresulta kini sa dugoon nga hitabo.
Gamit ang 17 pulgadas nga bolo napatay ni Maski Aquiman, 23-anyos ang iyang kaugalingong amahan.
Gihikay na sa Villanueva PNP ang kaso nga iduso batok sa suspetsado taliwala nga walay plano ang pamilya nga modusog reklamo.
