CAGAYAN DE ORO CITY – Hingpit nang napasa sa piskalya ang mga dokumento nga muduot sa usa ka amahan nga mi-unay sa paglugos sa iyang anak sulod sa lima ka tuig.
Namahayag si Police Captain Mario Mantala, hepe sa Puerto Police Station nga mi-angkon ang suspek sa iyang sala atol sa inquest proceedings.
Giila ang dinakpan nga si Gilbert Llanora, 37 anyos ug bulag sa iyang kapuyo, ug nagsilbing janitor sa usa ka simbahan sa Brgy. Agusan ning syudad.
Miingon ang suspek nga nahimo niyang sexual partner ang iyang anak sukad kini nag-edad sa 8 anyos human mibiya ang iyang kapikas ug nahimong Overseas Filipino Worker (OFW) didto sa Kuwait.
Una niini, nagpakitabang sa kapulisan ang 13 anyos nga batang babaye human siya gilugos sa iyang amahan sulod sa tolo ka higayon matag semana.
Nagpaila pa ang suspek nga miyembro sa Philippine Military Intellengence Group base sa iyang gihuptan nga ID.
Miingon si Captain Mantala nga naduso na ang kasong attempted rape, multilple rape, illegal position of fire arms ug usurpation of authority.
Kung mahinumduman nga gidakop si Llanora sulod mismo sa ilang panimalay ug nakuha sa iyang posisyon ang armas nga 357 calibre, unom ka bala, uniporme sa sundalo, ID, ug cellphone kundiin nabulit kini sa hubo nga hulagway sa iyang anak.
