CAGAYAN DE ORO CITY-Depression ang gitumbok nga hinungdan sa kapulisan sa paghikog-patay sa usa ka amahan sa Zone 1, Kalabaylabay El Salvador City Misamis Oriental.
Naghikog pinaagi sa paghikot og pisi sa iyang liog ang biktima nga si Fernando Buayaban Dadang, 52-anyos, ug residente sa maong dapit.
Sumala pa ni P01 Apple Dagoc sa El Salvador PNP nga nagool ang biktima human maburosan ang iyang 13-anyos nga anak hinungdan nga naghikog.
Una niini, nag-inom pa sa makahubog nga ilimnon ang biktima ayha nagpakamatay.
