CAGAYAN DE ORO CITY – Naghikog-patay gamit ang electric wire ang lalaki diha sa Zone 5 Barra Opol, Misamis Oriental.
Giila ang namatay nga si Jose Greg Sumile, 33-anyos, minyo ug residente sa maong dapit.
Gibutyag ni Police Staff Master Sgt Benhur Peñaloga,imbestigador sa Opol Police Station nga kagu-ol ang hinungdan kon nganong nagpakamatay ang biktima kay nag-away kini sa iyang kapikas nga si Jane Sumile.
Nagpakamatay ang biktima pinaagi sa paghikot sa wire sa liog ug iyang gitaod sa ilang atop.
Mismo si Sumile ang nakakita sa iyang bana nga walay na’y kinabuhi pag-abot niya gikan sa trabaho.
