CAGAYAN DE ORO CITY-Naghikog-patay gamit ang pisi nga gihikot sa iyang liog ang 25-anyos nga lalaki human gibiyaan sa iyang ka-live in partner sa District 1, Brgy Consolacion ning syudad.
Giila ang biktima nga si Rey Jurie Olivar, adunay duha ka anak ug residente sa maong lugar.
Sumala sa amahan sa biktima nga kanunay ga-away ang iyang anak ug ka-live in partner nga si Joyce Ann Barina tungod sa selos ug garbo.
Apan gibutyag sa ig-agaw sa namatay nga nasapon si Rey nga nakig-komunikar sa iyang ex-gf mao nga gibiyaan.
Una nang gibutyag sa igsoon sa biktima nga si Michael Olivar nga maoy ulahi nga text sa iyang magulang sa asawa niini ang ‘I LOVE YOU, GOODBYE’.
Samtang nangayo’g financial assistance ang pamilyang Olivar.
Matud sa amahan niini nga si Richard Olivar nga wala siya’y kwarta aron ipa-balsamar ang iyang anak lakip na ang ipalit sa lungon.
Tungod niini, gihangyo ni Olivar ang adunay malumo nga kasing-kasing nga sila tabangan.
Gipanawagan usab ni Olivar ang kaipon sa iyang anak sa Gingoog City nga mopauli.
