CAGAYAN DE ORO CITY-Nasikop pinaagi sa warrant of arrest ang amahan nga suspek paglugos sa daghang higayon sa kaugalingong anak babaye sa Purok 5 sa lungsod sa Baungon, Bukidnon.
Giila ang suspek nga si Reynato Maghinay, 41 anyos, minyo ug nagpuyo sa maong lungsod.
Miingon si PO3 Imee Molina sa Baungon Police Station nga unang gi-molestiya sa suspek ang bata sa edad nga 9 anyos.
Gilayong gihimo na dayon sa suspek ang paglugos samtang nagtubo ang edad sa biktima.
Gisikop si Maghinay pinasikad sa warrant of arrest nga gilugwa sa korte tungod sa pagpakabana sa mga silingan sa biktima sa maong lugar.
Kasong rape ang giatubang sa suspek gumikan sa hitabo.
