CAGAYAN DE ORO CITY, Philippines – Patay ang 37-anyos nga suspek human nagpusil sa kaugalingon tungod sa grabeng selos.
Segun sa Valencia City PNP, naila ang biktima nga si Ramonito Tumulac, minyo ug residente sa Mailag, Valencia City Bukidnon.
Subay sa report, gihostage sa suspek ang iyang 7 anyos nga anak, samtang nakiglalis sa iyang kapikas nga si Ivy Lou, usa ka magtutudlo sa Valencia City National Highschool.
Namahayag ang kapulisan nga nahupay na unta ang hostage-taking dihang nahusay sa Opisyal sa Barangay Purok-18 Badong-Badong Mailag ang tensyon sa tali sa magtiayon ug naluwas ang bata.
Apan, pipila ka minutos human sa paghusay, kalit nga mibalik sulod sa puy-anan ang ginang ug gipusil sa ulo sa iyang bana.
Human makita nga nagkadugo ang iyang kapikas, gilayon kining nagpusil sa ulo.
Patay nang nadala sa hospital ang suspek ug kritikal ang kondisyon sa ginang, kinsa padayong nagpa-alim sa Northern Mindanao Medical Center, ning syudad.
Gitun-an pa sa Valencia PNP ang matuod nga motibo sa hitabo
