CAGAYAN DE ORO CITY-Kritikal sa pagpamusil ang usa ka amahan nga gikan naligo kuyog ang iyang kabanay sa beach resort sa Jasaan,Misamis Oriental kagahapon sa hapon.
Giila ni Jasaan Police Station commander C/Insp Rogelio Labor ang biktima nga si Joven Escobarte,hingkod ang panuigon,minyo ug nagpuyo sa Camp Evangelista, Brgy Patag ning syudad.
Nagsakay ang biktima sa pick-up vehicle pauli na sa syudad dihang mitupad kanila ang motorcycle in tandem suspects ug gilayong namusil.
Naigo ang biktima sa aping ug ubang bahin sa lawas hinungdan nga anaa sa peligro nga kahimtang diha sa Northern Mindanao Medical Center.
Hangtud karon, wala pay lead ang mga otoridad sa identidad sa mga suspek ug motibo sa krimen.
