CAGAYAN DE ORO CITY – Wala hunungi sa kapolisan ang paggukod batok sa suspek nga midunggab-patay sa biktima nga dunay dugay nang panagbikil sa Zone 10,Talungan,Calaanan,Brgy Canitoan sa syudad.
Giila ang biktima nga si Edison Mabao Bonggo,51 anyos ug nagpuyo sa maong lugar.
Miingon ang anak nga si Annaliza Bonggo Quimanhan nga gikan sa bulangan ang biktima nga nakainom dihang kalit gidu-ulan sa suspek nga naila nga si Antonio Villacorta ug gilayong tigbas.
Wala pa matagbaw ang suspek,gidunggab pa niya kini sa 13 ka higayon hinungdan nga dead on the spot ang biktima kagabii.
Nasuta nga nagkabikil ang biktima ug suspek tungod lang sa isyu pagbaton sa comfort room aron kalikayan ang dili maayong baho nga malanghap sulod sa compound diin nanimuyo ang duha ka panig.
Paspas nga misibat ang suspek dala ang tibuok pamilya niini paghuman sa duguong hitabo kagabii.
