CAGAYAN DE ORO CITY – Patay ang amahan human gi-unay pagpusil sa ulo gamit ang kalibre 9mm pistol sa iyang kaugalingong higala sa Zone 3,Brgy Agusan ning syudad kagabii.
Naila ang biktima nga si Jonathan Juanilla, 40 anyos,minyo ug molopyo sa Basak,Talakag,Bukidnon.
Segun ang kapikas sa biktima nga si Aisa Juanilla,segurado siya nga si Alando Ali kinsa ilang renter sa balay ang mipusil sa iyang bana tungod kay nakita niya kini nga misakay ug mikarnap sa ilang bag-o pa nga inutang nga multicab.
Unang mi-angkon ang ginang nga nakabangi nila ang suspek kay gusto niining angkonon ang tibook balay nga iya sa magti-ayong biktima.
Nabiyaan sa biktima ang iyang tulo ka anak.Gawasnon pa ang suspek nga mikarnap sa sakyanan sa magtiayon.
