CAGAYAN DE ORO CITY – Walay nakitang foul play ang kapolisan sa pagpakamatay sa 45 anyos nga amahan pinaagi sa paghikot sa li-og niini sulod sa kuwarto diha sa Villa Mangga,Zone 9,Brgy Cugman ning syudad.
Kini human patay nang nadiskobre ang biktima nga si Erwin Acosta nga lumad taga-Maramag,Bukidnon ug kasamtangang nagpuyo sa dakbayan.
Miingon si Staff Sgt Noel Perpetua,imbestigador sa Cugman Police Station nga unang gipa-blotter sa asawa ang maong biktima tungod sa pagpangdagmal niini.
Nagtoo ang kapolisan nga naguol ang biktima ilabina nga mibahad ang kapikas nga magbulag na sila.
