CAGAYAN DE ORO CITY-Naghikog-patay ang usa ka amahan tungod sa pagduda nga mibati’g kaguol sulod sa kaugalingong pinuy-anan sa Zone 6,Brgy Cugman sa syudad.
Giila ni SPO2 Elmo Butra,imbestigador sa Cugman Police Station ang biktima nga si Dexter Daxuela,47 anyos,minyo nga nagpuyo sa maong lugar.
Nasuta nga nagbaton usab sa balatian ang biktima diin bag-uhay pa nga nakagawas gikan sa ospital sa syudad.
Kumbinsido ang kapolisan nga walay foul play sa kamatayon niini apan gisugyot nga angay ipaubos gihapon sa otopsiya.
Gigamit sa biktima paghikot sa iyang li-og ang pisi diin mismo ang amahan niini nga senior citizen ang nakadiskobre sa hitabo kagabii.
