CAGAYAN DE ORO CITY- Dead on arrival nga nadala sa pamilya ang usa ka amahan nga nahikog sulod sa kuwarto sa Brgy Luyong Bonbon,Opol,Misamis Oriental kagahapong adlawa.
Giila ang biktima nga si Ernie Baranggot,30 anyos,minyo ug nagpuyo sa maong lugar.Migamit sa wire ang biktima paghikot sa iyang li-og samtang anaa sulod sa kuwarto hinungdan sa kamatayon niini.
Gilayong gidala sa Norther Mindanao Medical Center ang biktima apan wala na kini kinabuhi nga nahiling sa mga doktor.
Nasayran gikan sa kapikas sa biktima nga ikatulo na niini ka higayon nga nagsulay’g hikog sa wala usab matumbok nga hinungdan.
