CAGAYAN DE ORO CITY -Walay nakit-an nga foul play ang kapolisan nga mi-responde sa patay’ng lawas sa usa ka amahan sulod sa kaugalingong pinuy-anan niini sa Brgy Patag,Opol,Misamis Oriental.
Giila ni Cpl Jeffrey Abellanosa,imbestigador sa Opol Police Station ang biktima nga si Amofer Paculanan,hingkod ang edad,bulag sa kapikas ug nagpuyo sa maong lugar.
Mismo ang mga silingan ang nagtaho kanila kabahin sa ilang nadiskobre nga kamatayon sa biktima.
Gitoohan nga ang pag-atake sa gihambin niini nga balatian ang rason sa iyang kamatayon.
Kasamtangan nang gihaya ang biktima sa iyang kabanay diha sa Brgy Carmen ning syudad.
