CAGAYAN DE ORO CITY – Wala nay kinabuhi nga nakit-an sulod sa iyang kwarto ang usa ka 51-anyos nga lalaki sa Upper Tambo, Macasandig ning syudad.
Giila ang biktima nga si Gil Gumonlay, minyo ug molopyo sa maong dapit.
Gibutyag ni Capt. Allan Cairel, hepe sa Nazareth PNP nga may gimintinar nga tambal sa highblood ang biktima ug napalgan na lamang nga wala nay kinabuhi sa maong lawak.
Sayasay ni Cairel nga ilang gitambagan ang pamilya nga ipa-otosiya ang patay’ng lawas apan mibalibad na kini.
Nasuta sa inisya nga pakisusi sa kapolisan nga walay foul play sa gidangatan sa biktima.
