CAGAYAN DE ORO CITY – Gikasuhan sa statutory rape ang drug surrenderee nga amahan human miunay paglugos sa iyang duha ka menor de edad nga anak sa Zone 11,Brgy Sta. Cruz,Tagoloan Misamis Oriental.
Giila ang suspetsado nga si Jeffy Paday nga molopyo sa maong dapit.
Gibutyag ni Tagoloan Police Station Commander Police Major Allan Oniana nga lima ka tuig nang gilugos sa suspek ang iyang kamagwangang anak diin 12-anyos pa niya kining gisugdan dihang mi-abroad ang asawa niini.
Wala palabya sa suspek ug giapil niini paglugos ang iyang 14-anyos nga anak.
Maoy hinungdan nga nangisog na sa pagsumbong sa mga otoridad ang mga biktima bisan paman sa paghulga kanila sa ilang amahan.
Dugtong pa ni Oniana nga human masikop ang suspetsado, nasuta nga may pending pa kining tulo ka mga warrant of arrest.
