CAGAYAN DE ORO CITY-Nakit-an na ang patay’ng lawas sa usa ka person with disabilities o PWD human milukso sa JR-Borja Bridge sa Brgy-7 ning syudad.Giila ang biktima nga si Ryan Lutching, 21 anyos ug molopyo sa Zone 2 Bolao,Brgy Iponan ning syudad.
Gikompirmar sa inahan sa biktima nga 3rd party ang hinungdan sa paghikog sa iyang anak.Una niini, gibilin pa sa biktima ang iyang bag ug cellphone ayha siya mi-ambak sa tulay.
Samtang misugyot si SPO2 Randy Estrada, imbestigador sa Carmen Police Station nga ipaubos sa otopsiya ang patay’ng lawas sa biktima.
Gihimo ni Estrada ang pahayag human dili kumbinsido si Ginang Lutching nga walay foul play sa pagkamatay sa iyang anak.
Una niini, nagbaton sa bun-og ang narekober nga patay’ng lawas sa biktima nga naglutaw sa Cagayan de Oro river sa syudad.
