CAGAYAN DE ORO CITY – Natugyan na sa 48th,Infantry Batallion, Philippine Army ang patay’ng lawas sa babayeng sakop sa rebeldeng New People’s Army o NPA sa direktang pamilya niini gikan sa Quezon,Bukidnon.
Kini human napatay sa hiniusang operasyon sa mga sundalo ug kapolisan ang NPA member nga si alyas Rica nga nag-recruit gikan sa kauluhan ug nag-immersion dinhi sa Mindanao.
Namahayag si 48th ‘Guardians’ IB,Philippine Army commander Lt Col. Gilbert Gomez nga unang napalibutan nila ang grupo ni alyas Rica hinungdang sa 10 minutos nga engkuwentro.
Napugos usab pag-surender sila alyas Sophia,alyas Kylie ug alyas Joshua nga pulos gikan sa CPP-NPA sub-regional committee nga nakabase sa North Cotabato-Davao region.
Nabawi gikan sa mga rebelde ang daghang tag-as nga armas ug ubang kagamitan sa giyera.
