CAGAYAN DE ORO CITY – Napatay sa tropa sa 58th IB,Philippine Army ang amasona o babayeng sakop sa rebeldeng New People’s Army o NPA sa bukirang bahin sa Brgy Mantangale,Balingoan,Misamis Oriental kagahapon sa hapon.
Kini human gika-engkuwentro sa militar ang anaa sa 30 ka sakop sa Platoon Falcon Huawei sa Sug-Regional Commmittee 1 sa CPP-NPA nga naglihok sa maong lugar sulod sa 20 minutos.
Giila ni 58th IB commander Lt Col Ricky Canatoy ang namatay nga si Langging Cabusa Serenio alyas Ka Mitang kinsa nagsilbing medic officer sa maong pundok.
Nakompiskar gikan sa gitoohang hideout sa mga rebelde ang duha ka tag-as nga kalibre sa M-16, mga bala sa AK-47 ug M-14; tulo ka rifle grenade, duha ka signus radio; 3 ka celphones; 3 ka solar panel;assorted nga tambal; personal belongings; 18 ka backpacks ug subersibong dokumento.
Giangkon usab sa AFP nga dunay usa sa ilang kauban ang samaron sa maong engkuwentro.
