Kalit nga nawad-an sa panimuot si American UFC fighter Cameron Smotherman pipila ka mga segundo inig human sa ‘weigh-in’ ngadto sa Las Vegas.
Daling gidala pagawas sa venue si Smotherman ug diretso kining gidala sa balay tambalanan diin nabutyag nga mahitungod sa “dehydration” o kakulangon sa tubig sa lawas ang dahilan sa insidente.
Atubangon dapat sa 28-anyos nga fighter si Ricky Turcious alang sa UFC 324 apan dili nalang ipadayon sa UFC ang ilahang away.
Base sa mga pagtuon, daghan nga mga UFC fighters ang magpadayon sa ilahang adlaw nga walay pag-inom sa tubig alang sa paspas nga pagpagamay sa ilahang timbang. (Phillip Ariata)
