“It doesn’t prove anything” o wala nagpamatuod og bisan unsang unexplained wealth ug kriminal nga buhat kini ang gibungat ni Atty. Dale Mordeno sa Mordeno Law Office bahin sa mga datos sa Anti-Money Laundering Council sa impeachment trial sa Senado.
Gipasabot sa abogado nga bisan pa man kon adunay mga bank record nga wala naipakita sa SALN, usa lamang kini ka raw data nga adunay pa mga legal nga pagpasabot nga ipagawas sa habig sa depensa.
Gidugang sa opisyal nga ang paggamit og mga alyas sa pagpagawas sa 125 million pesos nga confidential fund usa ka pormal nga pamaagi sa operasyon aron mapanalipdan ang seguridad sa buhatan.
Tungod sa gipahimutang nga kakuwang sa ebidensya sa predicate crime, gitan-aw sa abogado nga wala pa gihapon napatud-an sa prosecution ang giingong pag-abuso sa pondo sa gobyerno sa Article 1.
