CAGAYAN DE ORO CITY – Wala nay pagsalig ang mga biktima sa inhustisya ug kriminalidad sa justice system sa Pilipinas.
Kini ang gitin-aw ni Atty. Meong Cabarde sa Amnesty International atol sa gilusad nga forum sa silot kamatayon sa Xavier University Ateneo de Cagayan dinhi sa syudad.
Matud ni Cabarde nga natural lamang nga musulti ang usa ka pamilya nga ipapatay ang tawong mipanamas tamas sa ilang gilugos o gipatay nga anak.
Kini nga dagan sa pangutukan nagsumikad sa walay pagsalig sa yaya nga dagan sa hustisya sa nasud.
Alang kang Cabarde nga daghan ang mopabor sa death penalty kay mao ra man ang ilang mahuna-hunaan nga labing daling sulosyon sa pagkab-ot sa hustisya.
Gumikan niini gi-awhag sa Amnesty International ang katawhan nga saligan subli ang justice system sa nasud ug likayan ang pagsuporta sa death penalty.
Gi-awhag ni Cabarde ang mga magbabalaod nga mokomitar sa dugay nang gilagdaang kasabutan sa Pilipinas ubos sa “Second Optional Protocol” nga nagtumong sa pagwala sa silot kamatayon sa tibook kalibutan.
Gipadumduman usab niini nga sa tuig 2006 usa ang Pilipinas ang signatories sa International Covenant on Civil and Political Rights.
Tumong sa peace covenant nga walaon sa hingpit o “indefinite” ang death penalty sa justice system sa nasud.
Kung komersyo ang hisgutan, mawad-an sa tsansa nga mulambo pa ang export sector sa nasud oras nga mapatuman ang death penalty.
Gibutyag ni Cabarde nga usa ang Pilipinas nga nag-apply sa European Union’s “Generalised Scheme of Preferences” o GSP.
Pinaagi niini, mahimong libre ang export obligations sa tanan nasud ug mahatagan sa tsansa nga mulambo ang ekonomiya.
Sa tuig 2014, usa ang Pilipinas nga nahatagan sa prebilihiyo nga makapamaligya sa mga produkto sa nasud nga walay ipahamtang nga taripa.
Apan giklaro ni Cabarde nga mapapha kini nga benepisyo oras nga mapalabang ang death penalty tungod kay usa sa mga kondisyon sa EU scheme mao ang pagwagtang sa silot kamatayon ubos sa “Second Optional Protocol” sa United Nations o UN.
