CAGAYAN DE ORO CITY – Pagmahay ang gitoohan nga hinungdan sa kapolisan kon nganong gitigbas sa anak ang iyang amahan apan nadunggaban sa suspek nga miresulta sa iyang kamatayon diha sa Purok 3B Mahayag, Dangcagan,Bukidnon.
Giila ang biktima nga si Greag Pamat, 36-anyos, ulitawo samtang ang suspek mao ang iyang amahan nga si Patricio Pamat, 64-anyos, minyo ug residente sa maong dapit.
Gibutyag ni Dangcagan Police Station commander Capt Dante Canono nga adunay pagmahay ang biktima sa iyang amahan dihang wala tabangi pagpatambal sa sakit sa mata.
Naglalis ang duruha hinungdan nga gitigbas sa anak ang iyang amahan apan nasagang kini sa suspek hinungdan nga nadunggaban ang biktima nga maoy hinungdan sa iyang kamatayon.
Dugang pa ni Canono nga giangkon sa suspek nga badlongon ug mamirahay sa ilang lugar ang iyang anak.
