CAGAYAN DE ORO CITY- Nadunggaban-patay ang 20 anyos nga ulitawo sa kamot sa iyang kaugalingong igsoon diha sa Parola,Brgy Macabalan sa syudad.
Giila ang biktima nga si Nick Tagam nga nagpuyo sa maong dapit. Samtang ang suspek mao ra sab ang iyang magulang nga si Percival Tagam, 23 anyos,minyo ug nagpuyo sa susamang dapit.
Kutsilyo ang gigamit sa suspek sa pagpatay sa biktima human magbikil.
Matud sa ilang lola, gibadlong lamang sa iyang magulang ang biktima nga dili magtubag-tubag ug maningka apan milanding kini sa panagbugno ug kamatayon niini.
Nagtagu-tago pa ang suspek human nahinaykan pagdunggab-patay ang igsoon niini.
