CAGAYAN DE ORO CITY – Gipangita na karon sa kapolisan ang motorcycle in tandem suspects nga mipusil-patay sa 30 anyos nga lalaki nga igo lang mipalit sa sigarilyo sa highway sa Brgy Kauswagan ning syudad kaganihang buntag.
Giila ni Carmen Police Station commander Police Maj. Mario Mantala Jr ang biktima nga si Samuel Giyang nga lumad taga-Camiguin Province ug temporaryo nagpuyo sa Brgy Nazareth sa dakbayan.
Miingon si Mantala nga gikuyugan pa sa biktima ang inahan niini kay magpaubos sa dialysis hinungdan nga nakahigayon ang mga kriminal nga migamit sa kalibre 45 nga armas.
Naigo ang agtang ug liog sa biktima nga hinungdan sa kamatayon niini.
Wala pa’y matudlo nga motibo ang PNP sa kremin apan ilang gikompirmar nga nakadawat sa bahad sa kinabuhi ang biktima sa miaging mga adlaw.
