CAGAYAN DE ORO CITY – Giandam na sa kapolisan ang kasong kriminal ipasaka batok sa anak sa bise-mayor nga nakalinggis-patay sa Maranao-Muslim diha sa Brgy Luyong Bonbon,Opol,Misamis Oriental.
Kini kon dili magkasinabot ang tagtungod sa biktima nga si Cusian Bawlo nga nagpuyo sa Brgy Bonbon,Opol ug pamilya sa suspek nga si Raya Ryl Macua nga taga-Laguidingan pulos ning lalawigan.
Miingon si Opol Police Station investigator Police Master Sgt Raul Ruaya nga inisyal nang nagkasabot ang duha ka panig alang sa posibleng ‘amicable settlement’ kabahin sa hitabo.
Apan kon dili magkauyon,nakaandam na ang kasong reckless imprudence resulting in homicide batok Macua.
Si Macua kinsa anak ni Laguindingan Vice Mayor Roy Macua ang sakay sa pribadong awto ug padulong sa Cagayan de Oro dihang kalit nabanggaan niini si Bawlo
