CAGAYAN DE ORO CITY – Gipusil-patay sa wala mailang mga armadong suspetsado ang usa sa mga anak lalaki ni Cagayan de Oro 1st District Rep Rolando ‘Klarex’ Uy nga si incumbent Carmen Brgy Kag Sherwin ‘Tawee’ Uy samtang anaa sa quarry site sa Zone 1 Sitio Camarahan,Pagatpat,Cagayan de Oro City kaganihang udto.
Kini ang gikompirmar ni City Mayor Oscar Moreno nga mismo nakadalikyat sa lugar nga nahitabuan.Kini ang hinungdan nga gimando ni Moreno kang City Police Director Col Aaron Mandia ang subsob nga imbestigasyon aron mapadali ang pagtumbok sa kamatayon sa mga biktima.
Una niini,gikasubo pag-ayo ni Moreno ang gidangatan sa anak ni Cong Klarex kinsa alyado niya sa politika ug maoy gituboy nga ipadagan pagka-mayor sa 2022 elections.
Sa pagkakaron,wala pa makuha ang patay’ng lawas sa mga biktima kay gihulat pa ang paghidangat sa mga personahe sa SOCO-10.Dugtong usab niini,nagpakahilom una ang pamilyang Uy samtang anaa sa kasub-anan nunot sa maong hitabo.
