CAGAYAN DE ORO CITY – Naila na sa Cogon Police Station ang duha ka person of interest o POI nga gitumbok responsable pagpusil-patay sa trabahante sa Gaisano Mall diha sa Tangkongan,Sitio Pinikitan,Brgy Camaman-an ning syudad.
Kini human nakaangkon sa igo sa tiyan ug hita si John Mark Lagumbay,22 anyos,ulitawo nga taga-Adela Subd,Brgy Camaman-an ning syudad dihang gipusil sa duha ka suspek.
Gibutyag ni Cogon Police Station office-in-charge Police Lt Tawide Galleon nga nagduda ang pamilya nga dunay nagtinguha’g dautan sa biktima hinungdan nga gituyo kini’g dala sa lugar aron ipapatay.
Gitoohan nga gipusil si Lagumbay kay nasaypan nga police asset.
