CAGAYAN DE ORO CITY-Nasikop sa PDEA-operatives ang anak sa kanhi kongresista tungod sa pasangil nga nalambigit pagbaligya’g ilegal nga droga sa Brgy Pala-o,Iligan City kagabii.
Kini human ilusad sa PDEA-Iligan City operatives ang anti-illegal drug buy bust operation batok kang Clint Badelles,hingkod ang panuigon,minyo ug nagpuyo sa maong syudad.
Gibutyag ni acting Iligan City Mayor Jemar Veracruz nga anaa sa listahan sa mga otoridad si Badelles apan dugay na kining nagpaubos sa rehab.
Wala pa mabutyag ni Veracruz kon pila ka gramo sa gitoohang shabu ang nakompiskar gikan sa suspek.
Si Badelles ang anak ni kanhi Iligan City Lone District Rep. Alipio Badelles.
