PC:COCPO’s PCR
CAGAYAN DE ORO CITY-Nagtoo ang kanhi police general nga posibleng inside job ang pagtulis-patay sa iyang anak
nga gikan nag-bank withdraw diha Umalag Bridge, Brgy Tablon ning syudad kagahapon sa hapon.
Kini human gipusil-patay sa wala mailang suspek ang biktima nga si Robert Luz,minyo ug nagpuyo sa Brgy San
Antonio,Jasaan,Misamis Oriental.
Gibutyag ni retired PNP General Roberto Luz nga unta mahatagan sa dinalian nga sulbad ang kamatayon sa iyang anak kinsa nagsilbing machine operator sa Cagayan de Oro Corn Products ning syudad.
Una niini,gibutyag ni Cugman Police Station commander C/Insp Ian Borinaga nga tulis ang motibo sa kremin
diin nadala sa tulisan ang kapi’g 140-mil pesos nga dala sa biktima.
Samtang gimanduan ni acting City Police Director Sr/Supt Nelson Aganon ang kapolisan nga ipasulbad pagdali ang pagtulis patay sa empleyado sa balay-patigayon diha sa Brgy Cugman ning syudad.
Miingon si Aganon nga dili angay langanon ang pagsikop sa suspek aron gilayon makasuhan sa piskalya ning syudad.
Dugang ni Aganon nga wala niya ilha nga isolated case ang kamatayon ni Robert Luz hinungdan nga gipalihok na niini ang intelligence community aron pagsulbad sa kaso.
