CAGAYAN DE ORO CITY-Gitakdang kasuhan sa PDEA-10 sa pagbaligya’g ug paggamit sa ilegal nga droga ang pipila ka high value targets nga gilakipan sa sundalo,nurse ug anak sa kanhi bise-mayor nga una nila nadakpan sulod sa motel sa Propia Street,Malaybalay City,Bukidnon.
Kini human nakuhaa’g balor 135-mil pesos nga suspected shabu nga gisulod sa lima ka sachets atol sa operasyon sa mga operatiba sa PDEA-10 sa maong lugar.
Gibutyag sa Bombo Radyo ni PDEA agent spokesperson designate GM Gomez nga maoy target sa operasyon si Geoff Augustus Silabay nga nag-trabaho isip provincial nurse sa Malaybalay City.
Nakuha gikan kang Silabay ang lima ka sachets sa gitoohang shabu nga giingong gikan niya nakuha sa nagpaila nga bakwit sa Marawi City nga si Alinor Elias nga temporaryo nagpuyo sa Bukidnon.
Nasikop usab si Army 2nd Lt Arthur Rey Aranggo gikan sa 7th ID,Philipppine Army;negosyante nga si Lorenzo Victor Aldeguer nga anak ni kanhi bise-mayor Victor Aldeguer;seaman Shinray Dumaguit;mga tinu-an nga si Maria Lourdes Velencia ug Juliet Kane Cruspero ug mag-uuma nga si Roger Hernandez.
Si Elias ang nasikop atol sa gihimo nga follow up operations human napatug-an sa sa PDEA si Silabay kon asa kini tigkuha sa iyang shabu supply.
Gipanghimakak usab sa mga suspek ang pasangil sa mga otoridad nga giduot batok kanila.
