CAGAYAN DE ORO CITY –Nagbunga alang kang Atty Marlo Carrasco ang tanan niyang sakripisyo sulod sa upat ka tuig nga pagtungha sa kursong abogasiya sa Ateneo de Manila University o ADMU sa kauluhan.
Kini human kabahin siya nga nakapasar sa 2019 bar examination nga gipagawas sa Korte Suprema kagahapong adlawa.
Giasoy ni Carrasco nga taga- Cagayan de Oro City nga nadasig kini pagkuha sa abogasiya tungod kay mga abogado usab ang iyang ginikanan ug duha ka igsoong babaye ning syudad.
Sa syudad,anaa sa 35 gikan sa 52 sa Xavier University ug 17 takers sa Liceo de Cagayan University ang nakapasar sa bar.
Samtang hulaton una ni Atty Albert Daba III nga matapos ang community quarantine tungod sa coronavirus pandemic ayha mohimo sa iyang sunod nga mga plano.
Kini human nalakip ang iyang pangalan sa gipagawas sa Supreme Court nga nakapasar sa 2019 bar exam.
Saysay ni Daba nga nabati gihapon niya ang kakapoy dihang nagtungha pa kini sa law school sa Xavier University ning syudad.
Kasamtangan siyang nanarbaho sa usa ka pribadong patigayon sa kauluhan dihang nakapasar sa bar exam.
