CAGAYAN DE ORO CITY – Lain-lain ang mga testimonya sa pipila ka examinees nga kabahin sa sobra 8-mil nga mipasar sa labing unang localized bar exams nga gihimo sa nagkadaiyang bahin sa nasud sa miaging Pebrero ning tuiga.
Kini human kabahin ang mga tinun-an sa abogasiya gikan sa pipila ka unibersidad sa rehiyon nga nakapasar diin gilugwa sa korte suprema ang resultado kagahapong adlawa.
Gibutyag sa bugtong anak ni Deputy House Speaker Rufus Rodriguez nga si Atty Regine Beatrice Rodriguez kinsa kabahin sa nagbaton sa exemplary performance sa bar exam nga dako’g impluwensiya kaniya ang iyang amahan ug lolo niini aron pagkuha sa abogasiya sa University of the Philippines-Diliman sa kauluhan.
Siya miingon nga gusto niya ang mohawid sa mga nagtuki sa mga kasong kriminal ug ang pag-representar usab sa marginalized sector.
Samtang nagtukmod usab kang Mary Louisse Roluna pagkuha’g kursong abogasiya ang iyang kasinatian sa ‘bullying’ sa dihang kini nagtungha pa sa hayskul ning syudad.
Miingon si Roluna kinsa anak sa usa ka magtiayong magsisibya ug private nurse nga dili lalim ang iyang naagian samtang anaa pa sa pagtoon sa abogasiya ning syudad.
Mas gusto ni e-pokus ni Roluna ang kabahin sa labor laws ug ang pag-depensa sa mga tawo nga kanunay’g biktima sa pagpanglupig sa katilingban.
Alang usab kang Atty. Alyza Burdeos,nagsilbing sumbanan niya ang iyahang amahan nga usa usab ka abogado aron ipursige ang pagtungha sa abogasya dinhi sa syudad.Kini bisan kon miabot pa sa pito una ka tuig ayha siya naka-take sa bar ug gilayong nakapasar niini.
Gibutyag ni Burdeos nga anaa gayud ang nagkadaiyang pagsulay sa iyang pagtungha apan nagtuo siya nga makab-ot kini.
Siya miingon nga mopaubos una kini sa pagbakasyon ayha maghunahuna ang sunod nga lakad sa iyang bag-ong career.
Sa laing bahin,nakatulo ang mga luha sa 3-time bar exam taker nga si Atty Rhobert Maestre ayha nakab-ot sa hingpit ang iyang pangandoy nga mahimong hingpit nga abogado ning syudad.
Kini tungod kay lisod ang ilang mga pasulit apan wala siya mawad-i sa paglaum nga ipadayon hangtod mahingpit nga abogado.
Giangkon ni Maestre kinsa empleyado na gihapon sa gobierno nga dako’g tabang ang bag-ong palisya sa korte suprema nga gihimong localized ang bar exam aron dili sobra ka presyur alang sa examaninees.
