CAGAYAN DE ORO CITY-Gikasuhan na sa pagbaligya’g gidiling droga ang anak sa municipal councilor nga nasikop sa buy bust operation sa kapolisan diha sa Brgy Poblacion,Villanueva,Misamis Oriental.
Kini human nakuhaa’g gitoohang sachet sa shabu ang suspek nga si Jay Bong Abejo,36 anyos,minyo ug nagpuyo sa maong lungsod.
Mismo si Villanueva Police Station commander Sr/Insp Dennis Ebsolo ang nangulo pagsikop kang Abejo sa maong lugar sa miaging gabii.
Gawas sa suspected shabu,nakuha ang marked money ug motorsiklo gikan sa suspek.
Gibaharan usab ni Ebsolo ang ubang suspected drug personalities nga mohunong na sa mga kalihukan nila nga illegal aron dili masikop sa sunod nila nga mga operasyon.
