CAGAYAN DE ORO CITY – Ipadakop pag-apil sa kapolisan sa bando ni kanhi Misamis Oriental 2nd District Congresswoman Juliette Uy si 4th Infantry Division commander Brig Gen Michelle Anayron Jr kon makit-an nila nga manginlabot sa kalihukang-politikanhon sa lalawigan sa mismong adlaw sa May 12 nga piliay.
Kini ang panganti sa abogado sa Team Unity nga si Atty Angel Lim kon magmagahi si Anayron pagsanong sa giduso nila nga recall petition sa Armadong Kusog sa Nasud ug Commission on Elections.
Miingon si Lim nga magtisar sila ni Anayron sa Ombudsman kung walay aksyon nga himoon niini sa ilang hangyo nga molaylo lang una sa kampanyan hangtod sa adlaw sa piliay sa probinsya.
Kini tungod kay alang kaniya,klaro nga ‘conflict of interest’ ang nasudlan sa heneral kay aktibong kandidato pagka-mayor sa Sugbongcogon ang iyang amahan nga si Atty. Michelle Anayron Sr.
Nanganti usab kini nga gusto nila nga patas ang mahitabong eleksyon hinungdang dili nila itugot nga adunay paggamit sa lapad nga impluwensiya ug puwersa pabor sa kasamtangang nagdumala sa lalawigan.
Hisayrang subli magkatigi pagka-gobernador si Uy ug incumbent Gov. Peter Unabia hinungdang nagkainit ang bangi nila sa politika sa nagkaduol nga 2025 midterm elections.
