CAGAYAN DE ORO CITY-Gisugyot karon ang posibilidad nga ipagsangka ang mga Pinoy boxing champion Donie ‘Ahas’ Neites ug Jerwin ‘Pretty Boy’ Ancajas.
Kini kon pulos sila dili makakita’g de kalidad nga mga ikaaway nga mga boksidor gumikan sa sunod-sunod nga kapalpakan sa mga negosasyon.
Nasuta nga pulos pakyas masilyohan ang kasabutan sa gipangdu-ulan nila nga mga boksidor rason nga wala sila’y napilian nga lig-ong ikasangka ning tuiga.
Kini ang hinungdan nga mibutho ang suhestiyon nga hataga’g higayon nga magkatigi si Ancajas ug Neites.
Hinoon,dili kini ang una apan magsilbi nang ikaupat nga higayon kon ugaling mahinayon ang pag-away ni Nietes ug Ancajas ning tuiga o sa 2020.
Pulos wala pa’y giluwatang pahayag ang maong mga boksidor nga pulos dunay impresibong mga boxing record sa ilang mga karera.
