CAGAYAN DE ORO CITY-Gihatagan ni Presidente Rodrigo Duterte sa kagawasan nga makasaway sa kahiwian sa gobierno ang mga ginsakupan sa media sa nasud.
Kini ang gipamugos ni Presidential Communications Operations Office o PCOO Sec Martin Andanar atubangan sa Cagayan de Oro Press Club induction offficers sa syudad kagabii.
Miingon si Andanar nga pagmatood niini nga wala hilabti ni Duterte ang mga sakop sa media nga sobra nakabatikos kaniya ug sa iyang mga programa.
Gihatagan usab pag-ila ni Andanar ang pagsilbing lig-on sa pundasyon sa COPC nga gipanguluhan ni Ritchie Salloman ug gitambungan usab sa mga kanhi presidente niini nga naglakip kang Msgr Elmer Abacahin sa Philtown Hotel ning syudad kagabii.
