Nabalaka si Cardinal Luis Antonio Tagle sa dakong krisis sa kalibutan nga may kalabutan sa nawong.
Sa giselebrar nga misa alang sa Enthronement of the Most Holy Face of Jesus sa Carmelite Monastery Chapel sa Camaman-an, ning syudad, miingon si Tagle nga ang nawong sa tawo maoy pinakabilinhon nga gasa sa Kahitas-an.
Apan gumikan sa mga makadani nga mga adbertismo sa pagpahamis, ug pagpaputi sa nawong, nahimong “insecure” ang tawo ug naglumba sa pa-tsadahay sa nawong ug nagpakita sa walay paghigugma sa gasa nga iyang gihatag sa katawhan.
Tipik kini sa homiliya ni Tagle nga nag-awhag sa tanan, ilabe sa mga kabataan nga usbon ang pagtan-aw sa atong kaugalingong nawong, kay kitang tanan labing maanyag na daan sa mata sa Ginoo.
Ania ang dugang pahayag ni His Eminence Luis Antonio Gokim Cardinal Tagle, Cardinal-Bishop sa Albano, ug Pro-Prefect for the Section for First Evangelization and New Particular Churches of the Dicastery for Evangelization, sa Roma
