CAGAYAN DE ORO CITY-Gitunulan personal ni sexy actress Angelica Colmenares o mas ilado nga si Angel Locsin sa relief packs sa mga apektadong Maranao-Muslim nga naka-house sa evacuation center sa provincial capitol ng Marawi City,Lanao del Sur.
Kini isip paghatag sa moral support ug pakigduyog sa gisinati ni Angel sa mga apektadong residente tungod sa nahitabo nga pag-atake sa mga teroristang Maute sa Marawi City nga kapin duha ka semana na ang nag-agi.
Makita sa panagway sa actress nga nalipay kini samtang gitunol ang libuang relief packs alang sa iyang mga kaigsoonang Maranao-Muslims.
Si Locsin ang gihimugso sa Sta. Maria,Bulacan apan may dugo kini nga Maranao gikan sa iyang inahan nga si Emma Locsin-Colmenares nga nalakip usab sa Muslim Royal Family sa Lanao provinces.
