Miabot sa Manila si Hollywood actress ug humanitarian advocate Angelina Jolie niadtong Martes sa buntag, Nobyembre 10, pinaagi sa Ninoy Aquino International Airport Terminal 1 aron motambong sa 2026 ASEAN Inclusive Growth Summit.
Ang maong kalihokan kay giorganisar sa Mastercard Center for Inclusive Growth, diin magtigom ang mga lider gikan sa sektor sa negosyo, gobyerno, sibil nga katilingban ug pilantropiya aron hisgutan ang mga pamaagi sa pagpalambo sa inklusibong ekonomiya.
Gikatakdang mahimong usa sa mga mamumulong si Jolie sa sesyon nga giulohan og “From Memory to Possibility: Cambodia, Courage and the Power of Staying,” diin iyang kauban ang filmmaker nga si Rithy Panh.
Maghisgot sila bahin sa mga solusyon nga gipangulohan sa mga komunidad ug malungtarong kausaban, lakip ang ilang dugay nang pagpakiglambigit sa mga komunidad sa Cambodia ug ang ilang pagtinabangay sa pelikulang First They Killed My Father, nga ubos sa direksyon ni Jolie. (raniel mahunyag)
:max_bytes(150000):strip_icc():focal(672x320:674x322)/Lea-Salonga-hollywood-walk-of-fame-0-090426-b2e222a09bd84848a1fa8b56940f1d3b.jpg "Lea Salonga, gikatakdang mosalmot sa ASEAN Inclusive Growth Summit 2026")
