Gikatakdang mobisita dinhi sa nasud ang Hollywood icon nga si Angelina Jolie isip usa sa mga speaker sa ipahigayong 2026 ASEAN Inclusive Growth Summit sa umaabot nga Nobyembre 11.
Mahimong bahin ang Academy Award-winning actress sa mga nag-unang speaker sa maong panagtigom nga tambongan sa mga representante gikan sa nagkalain-laing sektor aron hisgutan ang ekonomiya sa Habagatang-Sidlakang Asya.
Ilado si Jolie sa iyang mga adbokasiya sa pagtabang ilabi na ang iyang kampanya alang sa proteksyon sa mga kababayen-an ug kabatan-onan, lakip ang iyang adbokasiya alang sa mga bakwit o refugees.
Niadtong 2001 hangtud 2012, nangalagad usab ang Hollywood actress isip Goodwill Ambassador para sa United Nations High Commissioner for Refugees (UNHCR) sa wala pa kini matudlo isip Special Envoy.
Lakip usab sa mga iladong personalidad nga mamahimong speaker sa maong summit kay ang Tony-award winning theater actress nga si Lea Salonga, Rajo Laurel, Kylie Verzosa ug ang kalihim sa Department of Trade and Industry nga si Cristina Roque. (raniel mahunyag)
