Gitubag na ang aktres nga si Anne Curtis bahin sa kontrobersiya human nga gi‑mention ang iyang ngalan sa usa ka sexual ug malaswang “analogy” sa House hearing ni Representative Bong Suntay.
Sa iyang Instagram statement, miingon sa aktres nga nag‑puyo siya sa kahilom samtang nag‑uban sa pamilya nga na‑stranded sa Middle East, apan karon nga nakauli na siya sa Pilipinas, kinahanglan na niyang motubag aron ipakita nga sayop ang pag-pabilin nga hilom alang sa iyang kaugalingon ug sa tanang kababayehan nga nakasinati sa parehas nga sitwasyon.
Gitawag niya nga “vulgar ug sexualized” ang pahayag sa kongresista, ug miingon nga nasakitan, nabalaka, ug naglagot siya sa pag-gamit sa iyang ngalan nga walay pagtugot ug respeto.
Gi‑awhag usab ni Curtis ang ethics committee nga imbestigahan ang insidente, samtang nagkonsulta na siya sa iyang mga abogado alang sa posibleng legal nga lakang batok sa dili angay ug dili madawat nga komentaryo. (By Phillip Ariata)
