CAGAYAN DE ORO CITY, Philippines – Gimultahan ug 50,000 US Dollars si Anthony “The Ant-Man” Edwards tungod sa iyang paglabay sa bola ngadto sa mga fans sa Los Angeles Lakers sa panahon sa init nga dula tali sa Minnesota Timberwolves ug Lakers didto sa Crypto.com Arena sa Los Angeles, California, kagahapon.
Subay sa viral nga video, klaro nga napikon si Ant-Man sa madaugon nga pagdayeg sa mga fans alang sa kombinasyon nila Luka Dončić ug LeBron James.
Nahitabo ang insidente sa ikatulong quarter sa dula, diin ang iskor sa duha ka team nagtabla sa 26-26.
Ang multa gi-imposar human nakita nga wala pa mapugngi ni Edwards ang iyang kapungot ug gibalikas ang mga reperi.
Tungod sa iyang aksyon, gipahamtangan siya sa ikaduhang technical foul ug nadisisyonan sa mga opisyal sa NBA nga siya evict sa dula ug dili na ipaduwa sa ika-upat nga quarter.
Nahuman ang labing hugyaw nga dula sa final score nga 111-102 pabor sa Lakers. Si LeBron James maoy nahimong best player of the game uban sa iyang 33 puntos ug 17 rebounds.
Midugang sa lig-on nga opensa sa Lakers sila Austin Reaves nga mitala og 23 puntos ug si Dončić nga midonar og 21 puntos ug 13 rebounds.
Nasayang lang ang 25 puntos ni Terrence Shannon Jr. human napugngan sa Lakers ang ilang opensa, ug napugngan usab ang iskor ni Edwards nga na-evict sa 19 puntos lamang.
