CAGAYAN DE ORO CITY – Pangunayahan sa buhatan ni House Mindanao Affairs Committee chairman Misamis Oriental 2nd District Cong. Bambi Emano nga mahatagan sa ensaktong pag-atiman ang balor 300-milyon pesos nga pasilidad nga gihatag sa Japanese govt sa katawhan sa Northern Mindanao.
Kini maoy gilitok sa kongresista atubangan nila ni His Excellency Endo Kazuya,Ambassador Extraordinary and Plenipotentiary of Japan ug JICA Senior Representative of Philippines Office Morishima Takanori nga mitambong sa inagurasyon sa Cagayan de Oro River Basin Flood Forecasting and Warning Center nga nakabase sa parking area sa DOST-PAGASA,Molugan,El Salvador City,Misamis Oriental sa miaging semana.
Miingon si Emano nga dili na trabaho sa Japanese govt ug buhatan ni Pres Bongbong Marcos ang pagpalahutay sa maong kagamitan apan mismo ang local govt units nga benepesaryo niini ang angayang magmintinar.
Hisayrang dako’g matabang ang maong pasilidad batok sa mga kalit nga pagbaha nga gikan sa bukiran padulong dinhi sa dakbayan.
